தருமபுரி முன்னாள் எம்எல்ஏ ஆர்.சின்னசாமி காலமானார்

தருமபுரி சட்டப்பேரவைத் தொகுதி முன்னாள் எம்எல்ஏ ஆர்.சின்னசாமி (89) வயது மூப்பு காரணமாக வியாழக்கிழமை காலமானார்.

- 

தருமபுரி, ஆக.28:

கிருஷ்ணகிரியை உள்ளடக்கிய ஒருங்கிணைந்த தருமபுரி மாவட்டத்தில் 1970 ஆம் ஆண்டு முதல் 15 ஆண்டுகள் திமுக மாவட்டச் செயலாளராக பணியாற்றிய இவர், 1971, 1984, 1989 இல் நடைபெற்ற பேரவைத் தேர்தலில் தருமபுரி தொகுதியில் போட்டியிட்டு 3 முறை எம்எல்ஏவாக தேர்ந்தெடுக்கப்பட்டார்.

திமுக மாநில சட்டத் திருத்தக்குழு உறுப்பினராக இருந்த சின்னசாமி, மிசா வழக்கில் கைதாகி 40 நாள்களுக்கும் மேலாக சேலம் சிறையில் இருந்தார்.

தருமபுரி நகருக்கு பஞ்சப்பள்ளி அணையிலிருந்து குடிநீர் கொண்டுவரும் திட்டத்தைச் செயல்படுத்தியதில் இவருக்கு பெரும்பங்கு உள்ளது.