தொழிலாளர் குடியிருப்பில் சிலிண்டர் வெடித்து தீ விபத்து: 46 வீடுகள் தரைமட்டம்

திருப்பூரில் வெளிமாவட்டத் தொழிலாளர்கள் தங்கியிருந்த குடியிருப்பில் கேஸ் சிலிண்டர் வெடித்ததில் 46 வீடுகள் சேதமடைந்து தரைமட்டமாகின.

- 

திருப்பூர், ஜூலை 9:

திருப்பூர் எம்ஜிஆர் நகர் புளியந்தோட்டம் பகுதியில் சாராதேவி என்பவர் தனக்கு சொந்தமான இடத்தில் 46 வீடுகள் (தகரக் கொட்டகைகள்) அமைத்து வாடகைக்கு விட்டுள்ளார். இவற்றில் வெளிமாவட்டங்களைச் சேர்ந்த தொழிலாளர்கள் குடும்பத்துடன் வசித்து வருகின்றனர். இவர்களில் பெரும்பாலானோர் திருவண்ணாமலை மாவட்டத்தைச் சேர்ந்த கட்டடத் தொழிலாளர்களாவர். ஒரு வீட்டுக்கு ரூ.1,200 என்ற வகையில் மாத வாடகை வசூலிக்கப்பட்டு வந்துள்ளது.