மக்களைத்தேடி மருத்துவம் திட்டத்தில் 2 கோடி பேர் பயன்

மக்கள் நல்வாழ்வுத் துறை அமைச்சர் மா.சுப்பிரமணியன்

- 

தருமபுரி, ஜூலை 7: மக்களைத் தேடி மருத்துவம் திட்டத்தில் தமிழகத்தில் 2 கோடி பேர் பயன்டைந்துள்ளனர் என்று மாநில மக்கள் நல்வாழ்வுத் துறை அமைச்சர் மா. சுப்பிரமணியம் தெரிவித்தார்.

தருமபுரி அரசு மருத்துவக் கல்லூரியில் பட்டமளிப்பு விழா திங்கள்கிழமை நடைபெற்றது. இந்த நிகழ்ச்சியில் சிறப்பு அழைப்பாளராக பங்கேற்று, 88 மாணவ, மாணவிகளுக்கு பட்டங்களை வழங்கி அவர் மேலும் பேசியது:

தமிழகத்தில் உள்ள 36 அரசு மருத்துவக் கல்லூரிகளிலும், பட்டம் பெறும் மாணவ, மாணவிகள் தங்களது பெற்றோருடன் மேடையில் வந்து பட்டம் பெற்றுச் செல்லும் வழிமுறையை தமிழக அரசு ஏற்படுத்தியுள்ளது. பட்டம் பெறும்போது பிள்ளைகளைவிட அதிக அளவில் பெற்றோர் மகிழ்ச்சியடைவதை காண முடியும். எனவேதான் இந்த நடைமுறையை திமுக அரசு தொடர்ந்து வருகிறது.

இங்கே பட்டம் பெறும் மாணவ, மாணவிகளுக்கு இது தொடக்கம்தான், இனிதான் நீங்கள் சாதிக்க வேண்டியுள்ளது. எம்பிபிஎஸ் பட்டத்துடன் உங்களது இலக்கு நின்று போகக்கூடாது; தொடர வேண்டும்.