ஓடும் ரயிலிலிருந்து விழுந்த 4 பேர் உயிரிழப்பு

தானியங்கி கதவு வசதி: ரயில்வே அமைச்சகம் முடிவு

- 

மும்பை, ஜூன் 9: மகாராஷ்டிரத் தலைநகர் மும்பை அருகே கூட்ட நெரிசலுடன் படிக்கட்டில் தொங்கியபடி பயணித்த இரு புறநகர் ரயில்களின் பயணிகள் மோதி கீழே விழுந்ததில் ரயில்வே காவலர் உள்பட 4 பேர் உயிரிழந்தனர். மேலும் 9 பேர் காயமடைந்தனர்.

ஒரு குறுகிய வளைவில் இரு ரயில்களும் எதிரெதிர் திசையில் வேகமாக கடந்து சென்றபோது, இந்த விபரீத சம்பவம் நேரிட்டது.

இந்தியாவின் வர்த்தக தலைநகராக அறியப்படும் மும்பையில் புறநகர் ரயில்களில் எப்போதுமே பயணிகள் கூட்டம் அதிகமாக காணப்படும். குறிப்பாக அலுவலகங்களுக்கு சென்று வரக் கூடிய காலை-மாலை நேரங்களில் ரயில்கள் நிரம்பி வழியும்.