மழை பாதித்த இடங்களில் நடமாடும் மருத்துவ முகாம்கள்

தமிழகத்தில் மழை பெய்து வரும் பகுதிகளில் தேவையின் அடிப்படையில் நடமாடும் மருத்துவக் குழுக்கள் மூலம் சிறப்பு மருத்துவ முகாம்கள் நடத்தப்பட்டு வருவதாக பொது சுகாதாரத் துறை தெரிவித்துள்ளது.

- 

சென்னை, மே 30:

அதன்படி, பாதிப்பு அதிகம் உள்ள இடங்களில் அந்தக் குழுவினர் சம்பந்தப்பட்ட பகுதிகளுக்கு நேரில் சென்று தேவையான மருத்துவ சிகிச்சைகளை வழங்கி வருகின்றனர். ஒவ்வொரு குழுவிலும் ஒரு மருத்துவர், ஒரு செவிலியர், ஒரு மருத்துவ உதவியாளர் மற்றும் ஆய்வக நுட்பனர் இடம்பெற்றுள்ளனர். மருந்துகள், மருத்துவ உபகரணங்கள் அனைத்தும் வாகனங்களிலேயே கொண்டு சென்று நேரடியாக சிகிச்சையளிக்கப்படுகிறது எனத் தெரிவிக்கப்பட்டுள்ளது.