காவல் நிலையம் மீது பயங்கரவாதிகள் 5-ஆவது முறை ட்ரோன் தாக்குதல்

பாகிஸ்தானில் பதற்றம் நிறைந்த கைபர்பக்துன்கவா மாகாணத்தில் அமைந்துள்ள மிர்யான் காவல் நிலையம் மீது பயங்கரவாதிகள் சிறிய ரக ஆளில்லா விமானம் (ட்ரோன்) மூலம் சனிக்கிழமை மீண்டும் தாக்குதல் நடத்தினர்.

- 

பெஷாவர், ஜூலை 13:

கடந்த ஒரே மாதத்தில், இதே காவல் நிலையம் மீது பயங்கரவாதிகள் நடத்தும் ஐந்தாவது தாக்குதல் இதுவாகும்.

பன்னு மாவட்டத்தில் உள்ள மிர்யான் காவல் நிலையத்தில் சனிக்கிழமை நடத்தப்பட்ட இந்தத் தாக்குதலில், ட்ரோன் மூலம் வெடிபொருள்கள் வீசப்பட்டன. தாக்குதலில் காவலர்கள் யாருக்கும் காயம் ஏற்படவில்லை; கட்டடத்துக்கும் எந்தப் பாதிப்பும் ஏற்படவில்லை என்று அதிகாரிகள் தெரிவித்தனர்.