மராத்திக்கு எதிராக பேசியதாக ஆட்டோ ஓட்டுநர் மீது சரமாரி தாக்குதல்

மகாராஷ்டிர மாநிலம், பால்கரில் மராத்தி மொழிக்கு எதிராக அவதூறு கருத்துகளைப் பேசியதாக, வெளிமாநில ஆட்டோ ஓட்டுநர் ஒருவர் மீது சிவசேனை (உத்தவ்) கட்சியினர் சரமாரி தாக்குதல் நடத்தி, பொது இடத்தில் மன்னிப்புக் கோர செய்தனர்.

- 

பால்கர், ஜூலை 13:

இது தொடர்பான விடியோ, சமூக ஊடகங்களில் பரவி பரபரப்பை ஏற்படுத்தியது.

மகாராஷ்டிரத்தில் மராத்தி மொழி மற்றும் அதன் அடையாளத்தை அழித்து, ஹிந்தியை திணிக்க முயல்வதாக உத்தவ் தாக்கரே தலைமையிலான சிவசேனை (உத்தவ்), ராஜ் தாக்கரே தலைமையிலான மகாராஷ்டிர நவநிர்மாண் சேனை உள்ளிட்ட எதிர்க்கட்சிகள் தொடர்ந்து குற்றஞ்சாட்டி வருகின்றன. மேற்கண்ட இரு கட்சிகளும் ஹிந்தி எதிர்ப்பை தீவிரமாக கையிலெடுத்தன.

தாணேயில் மராத்தியில் பேச மறுத்த கடைக்காரர் ஒருவர் மீது கடந்த ஜூலை 1-ஆம் தேதி மகாராஷ்டிர நவநிர்மாண் சேனை கட்சியினர் தாக்குதல் நடத்தினர்.