நாடே சமத்துவபுரமாக மாற வேண்டும்

மே தின விழாவில் முதல்வர் மு.க.ஸ்டாலின்

- 

சென்னை, மே 1: நாடே சமத்துவபுரமாக மாற வேண்டும் என்று மே தின விழாவில், முதல்வரும் திமுக தலைவருமான மு.க.ஸ்டாலின் வலியுறுத்தினார்.

சென்னை சிந்தாதிரிப்பேட்டை மே தினப் பூங்காவில் வியாழக்கிழமை நடைபெற்ற மே தின விழாவில் முதல்வரும் திமுக தலைவருமான மு.க.ஸ்டாலின் பேசியது:

கடலில் மூழ்கி முத்து எடுப்பவரும், உழுது நன்செய் பயிரிடுபவரும் தொழிலாளிகள்தான். அவர்கள் மகிழ்ந்து கொண்டாடும் திருநாள்தான் மே தினம். அத்தகைய சிறப்புமிக்க தொழிலாளர்கள் தங்களது உரிமையை வென்றெடுத்த மே நாளில் உலகத் தொழிலாளர்கள் அனைவருக்கும் எனது நல்வாழ்த்துகளைத் தெரிவித்துக் கொள்கிறேன்.

மே தின கொண்டாட்டம்:

மே தினத்தை தமிழ்நாட்டின் அனைத்து நகரங்களிலும் கிராமங்களிலும் இசை நிகழ்ச்சிகளோடு கொண்டாட வேண்டும் என்ற நோக்கத்துடன் 20-ஆம் நூற்றாண்டின் தொடக்கத்திலேயே சென்னை நகரம் விளங்கியது. மேலும், தொழிற்சங்கச் செயல்பாடுகளின் முக்கிய மையமாக இருந்தது.