அரசு நலத் திட்ட உதவிகள் வழங்கியதில் முறைகேடு: முறையான விசாரணை நடத்த அதிமுக வலியுறுத்தல்

புதுவை மாநிலத்தில் அரசு நலத் திட்ட உதவி வழங்கப்பட்டதில் முறைகேடு நடைபெற்றிருப்பது குறித்து முறையாக விசாரணை நடத்த வேண்டும் என்று, அதிமுக மாநிலச் செயலர் ஆ.அன்பழகன் வலியுறுத்தினார்.

- 

புதுச்சேரி, ஏப்.11:

புதுச்சேரியில் வெள்ளிக்கிழமை செய்தியாளர்களிடம் அவர் கூறியதாவது:

புதுவை அரசில் மகளிர், குழந்தைகள் மேம்பாடு, ஆதிதிராவிடர் நலம் உள்ளிட்ட பல துறைகளில் அரசு நலத் திட்ட உதவிகள் வங்கிகளில் பணமாக செலுத்தப்பட்டு சம்பந்தப்பட்டவர்களால் பெறப்படுகின்றன.

ஆனால், வங்கி மூலம் மக்களுக்கு பணம் செலுத்துவதில் முறைகேடுகள் நடைபெறுவதாக புகார்கள் எழுந்துள்ளன.