எம்சிஜி ஆடுகளம் ‘அதிருப்திகரமானது’: ஐசிசி தரமதிப்பீடு

ஆஷஸ் தொடரில் பாக்ஸிங் டே டெஸ்ட் விளையாடப்பட்ட மெல்போர்ன் கிரிக்கெட் மைதான (எம்சிஜி) ஆடுகளம் 'அதிருப்திகரமானது' என ஐசிசி தரமதிப்பீடு வழங்கியுள்ளது.

- 

ஆஷஸ் தொடரின் 4-வது ஆட்டமான 'பாக்ஸிங் டே' டெஸ்ட், மெல்போர்ன் மைதானத்தில் கடந்த 26-ஆம் தேதி தொடங்கியது. அதில் ஆஷஸ் வரலாற்றில் கடந்த 116 ஆண்டுகளில் முதல் முறையாக, முதல் நாளிலேயே 20 விக்கெட்டுகள் விழுந்தன.

அத்துடன் 2-ஆவது நாளிலேயே ஆட்டம் முடிவுக்கு வந்தது. இங்கிலாந்து 4 விக்கெட்டுகள் வித்தியாசத்தில் வென்றது. தொடர்ந்து 3 தோல்விகளை சந்தித்து, ஆஷஸ் கோப்பையை ஆஸ்திரேலியாவிடம் இருந்து மீட்கும் வாய்ப்பை இழந்துவிட்ட இங்கிலாந்துக்கு, இந்த வெற்றி ஆறுதலாக அமைந்தது.