அரசுப் பள்ளிகளில் ஆங்கில மொழித் திறன் பயிற்சி: ஆசிரியர்களுக்கான அட்டவணை வெளியீடு

தமிழக அரசுப் பள்ளிகளில் 6, 7, 8 ஆகிய வகுப்புகளில் பயிலும் மாணவர்களுக்கு ஆங்கில மொழித் திறன் பயிற்சி வழங்கப்படும் என ஏற்கெனவே அறிவிக்கப்பட்ட நிலையில், அதில் என்னென்ன அம்சங்கள் இடம்பெறும் என்பது குறித்த மொழித்திறன் இலக்கு அட்டவணையை பள்ளிக் கல்வித் துறை வெளியிட்டுள்ளது.

- 

சென்னை, மே 31:

அதன் அடிப்படைப் பயிற்சிகளை ஆங்கில ஆசிரியர்கள் ஜூன் முதல் டிசம்பர் மாதம் வரை கற்பிக்கவுள்ளனர்.

இது குறித்து பள்ளிக் கல்வி இயக்குநர் எஸ்.கண்ணப்பன் முதன்மைக் கல்வி இயக்குநர்களுக்கு அனுப்பியுள்ள சுற்றறிக்கை: அரசுப் பள்ளி மாணவர்களின் அடிப்படை ஆங்கில மொழித் திறன்களை மேம்படுத்தும் நோக்கில் 'லெவல்-அப்' என்ற தன்னார்வத் திட்டத்தின் பள்ளிக் கல்வித் துறை அறிமுகப்படுத்தி அது சார்ந்த செயல்பாடுகளை முன்னெடுத்து வருகிறது.