கோவையில் பரவலாக மழை

மதுக்கரை, மே 29: தொண்டாமுத்தூர் சுற்றுவட்டாரப் பகுதிகளில் சூறைக் காற்றுடன் பெய்த கனமழையால் அங்குள்ள அரசு மருத்துவமனை வளாகத்தில் இருந்த மரம் வியாழக்கிழமை வேரோடு சாய்ந்தது.

- 

கோவை மாவட்டம், தொண்டாமுத்தூர், ஆலாந்துறை, நரசீபுரம், பேரூர் உள்ளிட்ட சுற்றுவட்டாரப் பகுதிகளில் கடந்த நான்கு நாள்களாக விட்டுவிட்டு கனமழை பெய்து வருகிறது.

இந்நிலையில் தொண்டாமுத்தூர் பகுதிகளில் சூறைக் காற்றுடன் வியாழக்கிழமை காலை கனமழை பெய்தது. இதில் தொண்டாமுத்தூர் அரசு மருத்துவமனை வளாகத்தில் இருந்த மரம் ஒன்று வேரோடு சாய்ந்து விழுந்தது. அப்போது அருகே யாரும் இல்லாததால் பெரும் அசம்பாவிதம் தவிர்க்கப்பட்டது.

இதையடுத்து அங்கு வந்த தொண்டாமுத்தூர் தீயணைப்பு நிலைய அலுவலர் அனில்குமார், சிறப்பு நிலைய அலுவலர் செல்வராஜ் உள்ளிட்ட தீயணைப்பு வீரர்கள், மரத்தின் கிளைகளை இயந்திரங்கள் மூலம் வெட்டி அகற்றினர்.

கோவை, மே 29: தென்மேற்குப் பருவமழை தீவிரமடைந்துள்ள நிலையில், கோவையில் வியாழக்கிழமை பரவலாக மிதமான மற்றும் சாரல் மழை பெய்தது.