குவாலிஃபயரில் பெங்களூரு

ஐபிஎல் போட்டி யின் கடைசி லீக் ஆட்டத்தில், ராயல் சேலஞ்சர்ஸ் பெங்களூரு 6 விக்கெட்டுகள் வித்தியாசத்தில் லக்னெள சூப்பர் ஜயன்ட்ஸை செவ்வாய்க்கிழமை சாய்த்தது.

- 

லக்னெள, மே 27:

இந்த வெற்றியின் மூலமாக லீக் சுற்றை 2-ஆவது இடத்துடன் நிறைவு செய்த பெங்களூரு, 'குவாலிஃபயர் 1'-க்கு தகுதிபெற்று, அதில் பஞ்சாபுடன் மோதுகிறது. மறுபுறம் எலிமினேட்டருக்கு தள்ளப்பட்ட குஜராத், மும்பையை அதில் சந்திக்கிறது.

சாதனை: லக்னெளவில் செவ்வாய்க்கிழமை நடைபெற்ற 70-ஆவது ஆட்டத்தில், முதலில் லக்னெள 20 ஓவர்களில் 3 விக்கெட்டுகள் இழப்புக்கு 227 ரன்கள் சேர்க்க, பெங்களூரு 18.4 ஓவர்களில் 4 விக்கெட்டுகள் இழப்புக்கு 230 ரன்கள் எடுத்து வென்றது.

இதற்கு முன் 2010-இல் பஞ்சாபுடனான ஆட்டத்தில் 204 ரன்களை சேஸ் செய்து வென்றதே பெங்களூரின் அதிகபட்ச சேஸிங்காக இருந்த நிலையில், தற்போது அந்த அணி அதைவிட அதிகபட்ச சேஸிங்கை வெற்றிகரமாக பதிவு செய்தது.