தமிழக அரசின் முக்கியத் துறைகளில் வேரூன்றி இருக்கும் ஊழல்: அமலாக்கத் துறை

தமிழக அரசின் முக்கியத் துறைகளில் ஊழல் வேரூன்றியிருப்பதாக அமலாக்கத் துறை தெரிவித்துள்ளது.

- 

சென்னை, மே 9:

சென்னை சாலிகிராமம் காவேரி தெரு பகுதியைச் சேர்ந்தவர் பாண்டியன். இவர் தமிழக மாசுக் கட்டுப்பாட்டு வாரியத்தில் கண்காணிப்பாளராக இருக்கும்போது, தொழிற்சாலைகள், தொழில் நிறுவனங்கள் ஆகியவை செயல்படுவதற்கு தமிழ்நாடு மாசுக் கட்டுப்பாட்டு வாரியம் வழங்கும் தடையில்லாச் சான்றிதழ், உரிமத்துக்கு லஞ்சம் வாங்கியதாகப் புகார் கூறப்பட்டது.

இதன் அடிப்படையில் கடந்த 2021-ஆம் ஆண்டு டிச. 16-ஆம் தேதி பாண்டியன் தொடர்புடைய இடங்களில் ஊழல் தடுப்புத் துறையினர் திடீர் சோதனை நடத்தினர். அதில், கணக்கில் வராத ரூ. 1.37 கோடி ரொக்கம், ரூ. 1.28 கோடி மதிப்புள்ள மூன்றரை கிலோ தங்க நகைகள், வைர நகைகள், ரூ. 7 கோடி மதிப்புள்ள 18 சொத்து ஆவணங்கள் ஆகியவை கைப்பற்றப்பட்டன. இது தொடர்பாக பாண்டியன் மீது சொத்துக் குவிப்பு வழக்கும் பதிவு செய்யப்பட்டது.