பட்ஜெட்டில் சிறுபான்மையினருக்கு 15% நிதி ஒதுக்க காங்கிரஸ் திட்டம்

மத்திய அரசின் மொத்த பட்ஜெட்டில் சிறுபான்மையினருக்கு 15 சதவீத நிதியை ஒதுக்க காங்கிரஸ் திட்டமிட்டுள்ளது; பட்ஜெட்டாக இருந்தாலும், இடஒதுக்கீடாக இருந்தாலும் மத அடிப்படையில் பிரிக்கப்பட ஒருபோதும் அனுமதிக்க மாட்டேன் என்று பிரதமா் நரேந்திர மோடி தெரிவித்தாா்.

 

மக்களவைத் தோ்தலையொட்டி, மகாராஷ்டிர மாநிலம், நாசிக் மாவட்டத்தில் புதன்கிழமை நடைபெற்ற பாஜக பிரசார பொதுக்கூட்டத்தில் பிரதமா் மோடி பங்கேற்றாா். அப்போது, அவா் பேசியதாவது:

மத்தியில் கடந்த 2004 முதல் 2014 வரை காங்கிரஸ் ஆட்சியில் இருந்தபோது, அரசின் மொத்த பட்ஜெட்டில் 15 சதவீத நிதியை தங்களின் விருப்பத்துக்குரிய வாக்கு வங்கியான சிறுபான்மையினருக்கு செலவழிக்க அக்கட்சி திட்டமிட்டது. இத்திட்டத்தை காங்கிரஸ் முன்மொழிந்தபோது, நான் குஜராத் முதல்வராக இருந்தேன்.

பாஜக தரப்பில் கடும் எதிா்ப்பு தெரிவிக்கப்பட்டதால், அவா்களால் திட்டத்தைச் செயல்படுத்த முடியவில்லை. அதே திட்டத்தை மீண்டும் கொண்டுவர காங்கிரஸ் விரும்புகிறது.