பத்தாம் வகுப்பு தேர்வில் 91.55% பேர் தேர்ச்சி

தமிழகத்தில் மாநில பாடத் திட்ட பத்தாம் வகுப்பு பொதுத் தேர்வில் 91.55 மாணவிகள் சதவீத மாணவ, தேர்ச்சி பெற்றுள்ளனர். இது கடந்த ஆண்டு தேர்ச்சியைக் காட்டிலும் (91.39) 0.16 சதவீதம் அதிகம்.

- 

97.31சதவீத வெற்றியுடன் அரியலூர் மாவட்டம் மாநிலத்தில் முதலிடம் பிடித்துள்ளது. சிவகங்கை, ராமநாதபுரம் மாவட்டங்கள் அடுத்த இரு இடங்களைப் பிடித்துள்ளன. குறைந்த சதவீத தேர்ச்சியுடன் வேலூர் மாவட்டம் கடைசி இடத்தைப் பிடித்துள்ளது.

பத்தாம் வகுப்பு பொதுத்தேர்வு கடந்த மார்ச் 26 முதல் ஏப். 8 வரை நடைபெற்றது. அதற்கான தேர்வு முடிவுகளை சென்னை பேராசிரியர் அன்பழகன் கல்வி வளாகத்தில் அரசுத் தேர்வுகள் இயக்கக இயக்குநர் சேதுராமவர்மா வெள்ளிக்கிழமை வெளியிட்டார்.

தேர்ச்சி 0.16% உயர்வு: பத்தாம் வகுப்பு பொதுத் தேர்வை 8 லட்சத்து 94,264 பேர் எழுதினர். அதில் 4 லட்சத்து 47,061 பேர் மாணவிகள் 4 லட்சத்து 47,203 பேர் மாணவர்கள். இவர்களில், 4 லட்சத்து 22,591 மாணவிகளும் (94.53%); 3 லட்சத்து 96,152 மாணவர்களும் (88.58%) தேர்ச்சி பெற்றுள்ளனர்.

மாணவர்களைவிட 5.95 சதவீத மாணவிகள் அதிகம் தேர்ச்சி பெற்றுள்ளனர். ஒட்டுமொத்தமாக 8 லட்சத்து 18,743 பேர் (91.55%) தேர்ச்சி அடைந்துள்ளனர். கடந்த கல்வியாண்டுடன் ஒப் பிடுகையில் (91.39), நிகழாண்டு தேர்ச்சி 0.16 சதவீதம் அதிகம்.