தமிழர்கள் ஒருபோதும் ஏமாற மாட்டார்கள் முதல்வர் மு.க. ஸ்டாலின்

தமிழகத்தில் அண்மையில் ஏற்பட்ட இரு இயற்கை பேரிடர் பாதிப்புகளை சரி செய்ய எந்தவித நிதியுதவியையும் மத்திய அரசு வழங்கவில்லை; எனினும், தங்களது பதவியை தக்க வைத்துக் கொள்ள ஆதரவு கேட்டு வருகின்றனர்; தமிழக மக்கள் ஒரு போதும் ஏமாறமாட்டார்கள் என்று முதல்வர் மு.க.ஸ்டாலின் கூறினார்.

தமிழக மக்களின் வாக்கும், வரிப் பணமும் மட்டும் போதும் எனக் கருதுகிறார் பிரதமர் மோடி என்றும் அவர் தெரிவித்தார்.

தமிழகத்தின் 38-ஆவது மாவட்டமாக உதயமான மயிலாடுதுறை மாவட்டத்துக்கு, மன்னம்பந்தல் ஊராட்சி பால்பண்ணை பகுதியில் ரூ.114.48 கோடியில் 2,82,883 சதுரஅடி பரப்பளவில் 7 அடுக்கு மாடிகளுடன் ஆட்சியர் அலுவலகம் கட்டப்பட்டு, அதன் திறப்புவிழா திங்கள்கிழமை நடைபெற்றது. முதல்வர் மு.க. ஸ்டாலின், இந்த அலுவலகத்தையும்,கல்வெட்டையும் திறந்துவைத்தார்.