பிஎஃப்ஐ அமைப்பினர் 250 பேர் கைது

7 மாநிலங்களில் சோதனை

உத்தர பிரதேசம், கர்நாடகம் உள்ளிட்ட 7 மாநிலங்களில் பாப்புலர் ஃப்ரண்ட் ஆஃப் இந்தியா (பிஎஃப்ஐ) அமைப்புக்குச் சொந்தமான அலுவலகங்க ளில் காவல் துறையினர் செவ்வாய்க் கிழமை சோதனை மேற்கொண்ட னர்.

சோதனை முடிவில் அந்த அமைப்பைச் சேர்ந்த 250-க்கும் அதிகமானோர் கைது செய்யப்பட்டனர்.

தேசிய புலனாய்வு முகமை (என் ஐஏ) அதிகாரிகள் சார்பில் 15 மாநிலங்களில் பிஎஃப்ஐ அலுவலகங்களில் அண்மையில் சோதனை நடத்தப்பட்ட நிலையில், தற்போது மாநில காவல் துறை சார்பில் மீண்டும் சோதனை நடத்தப்பட்டு கைது நடவடிக்கை மேற்கொள்ளப்பட் டுள்ளது.

இஸ்லாமிய மக்களுக்கு சேவை செய்வதற்காகத் தொடங்கப்பட்ட இந்த அமைப்பின் மீது பல்வேறு குற்றச்சாட்டுகள் கூறப்பட்டு வந்தன. குறிப்பாக, பயங்கரவாதத்துக்கு நிதியுதவி அளிப்பதாகவும், வன்முறைக்குத் துணைபோவதாகவும், மதக்கலவரத்தைத் தூண்டுவதாகவும் புகார்கள் கூறப்பட்டு வந்தன.

இந்நிலையில், தமிழகம் உள்பட 15 மாநிலங்களில் பிஎஃப்ஐ அலுவலகங்கள், நிர்வாகிகளின் வீடுகளில் என்ஐஏ, அமலாக்கத் துறை ஆகியவை இணைந்து கடந்த 22-ஆம் தேதி சோதனை நடத்தின. சோதனையின் முடிவில் அந்த அமைப்பைச் சேர்ந்த 106 பேர் கைது செய்யப்பட்டனர்.