2 குழந்தைகளின் தந்தையுடன் காதல் மருத்துவ மாணவியை கொன்ற தந்தை

விஷம் வைத்து தீர்த்துக்கட்டினாரா? பரபரப்பு தகவல்

- 

சேலம் அடுத்த சித்தர்கோயில் அருகில் தனியார் ஹோமியோபதி மருத்துவ கல்லூரி செயல்பட்டு வருகிறது. இங்கு திருநெல்வேலி பக்கமுள்ள வீரவநல்லூர் பாரதிநகரை சேர்ந்த வரதராஜன் என்பவரின் மகள் வர்ஷினி (22) இறுதியாண்டு படித்து வந்தார். இவர் கல்லூரி அருகேயுள்ள நல்லாம்பட்டி நாயக்கன்பட்டியில் லட்சுமணன் என்பவரின் அடுக்குமாடி வீட்டில் தோழியுடன் அறை எடுத்து தங்கியிருந்தார். கிறிஸ்துமஸ் மற்றும் புத்தாண்டை விடுமுறையை யொட்டி ஊருக்கு சென்ற வர்ஷினி, கடந்த 4 நாட்களுக்கு முன்பு சேலம் வந்து அவரது அறையில் தங்கியிருந்தார். அவரது தோழி அட்சயா ஊருக்கு சென்று விட்டு நேற்று காலை அறைக்கு வந்தார். அப்போது மல்லார்ந்த நிலையில் படுக்கையிலேயே வர்ஷினி இறந்து கிடந்தார்.