பெண் இனத்தின் மாண்பு காக்க சம நீதியும், சம உரிமையும் கிடைக்க உறுதி கொள்வோம்

தலைவர்கள் மகளிர் தின வாழ்த்துகள்

- 

மகளிர் தினத்தை முன்னிட்டு பல்வேறு கட்சி தலைவர்கள் வாழ்த்து தெரிவித்துள்ளனர். அதன் விவரம்:

செல்வப்பெருந்தகை (காங்கிரஸ்): ஒன்றிய பாஜ ஆட்சி அமைந்த பிறகு, பெண்களுக்கு எதிரான பாகுபாடு, வன்முறைக் குற்றங்கள் அதிகரித்து வருகின்றன. மேலும், பெண்களுக்கு பாதுகாப்பற்ற சூழல் உருவாகி வருகிறது. மகளிருக்கு சமஉரிமை, சமவாய்ப்பு வழங்குவதோடு, சட்டத்தில் வழங்கப்பட்டுள்ள உரிமைகள் அவர்களுக்கு முழுமையாக கிடைக்கும் வகையில் நல்ல சூழல் உருவாக வேண்டுமென்பதே சர்வதேச மகளிர் தினத்தின் நோக்கமாக இருக்க வேண்டும். அதற்கான முயற்சிகளில் நாம் அனைவரும் ஈடுபட வேண்டும்.

பெ. சண்முகம் (மார்க்சிஸ்ட்): பெண்கள் விடுதலை இல்லாமல் சமூக விடுதலை சாத்தியமில்லை. பெண்களின் உரிமைகள், சமத்துவம், சமூக நீதி, ஜனநாயகம் ஆகியவற்றை காக்கும் போராட்டங்களை தீவிரப்படுத்துவோம். பெண்கள் மீதான பொருளாதாரச் சுரண்டலுக்கும், சமூக ஒடுக்குமுறைக்கும் எதிராக ஒன்றுபட்ட மக்கள் இயக்கத்தை கட்டியெழுப்ப சர்வதேச பெண்கள் தினத்தில் உறுதி ஏற்போம்.