இரட்டை ரயில் பாதை, நான்கு வழிச்சாலை பணி நடப்பதால் நிறுத்தப்பட்ட 12 ஜெ பஸ்சை மீண்டும் இயக்கவேண்டும்

தக்கலையில் இருந்து ஆழ்வார்கோவில், இரணியல் ஜங்ஷன், மடவிளாகம், குருந்தன்கோடு, சரல், ராஜாக்கமங்கலம், கோணம் வழியாக 12ஜெ அரசு பஸ் நாகர்கோவில் சென்று வந்தது. இந்த அரசு பஸ்ஸை நம்பி தினமும் மாணவர்கள், வேலைக்கு செல்பவர்கள் என ஏராளமான பயணிகள் நாகர்கோவில் தக்கலை உள்ளிட்ட பல்வேறு பகுதிகளுக்கு சென்று வந்தனர். தற்போது கடந்த சில மாதங்களாக அந்த பஸ் நிறுத்தி வைக்கப்பட்டுள்ளது. இதனால் பயணிகள் கடும் அவதிக்கு ஆளாகி வருகின்றனர்.

- 

நாகர்கோவில் - திருவனந்தபுரம் இரட்டைரயில் பாதைக்காக இரணியல் கோணம் மற்றும் நான்கு வழி சாலைக்காக ஆழ்வார்கோவில் பகுதிகளில் மேம்பாலம் அமைக்கும் பணிகள் நடந்து வருகிறது. இதனால் இந்த பகுதியில் பைக் ஆட்டோக்கள் தவிர கார், கனரக வாகனங்கள் செல்ல தடை விதிக்கப்பட்டுள்ளது. இதனால் 12ஜெ அரசு பஸ்சும் நிறுத்தப்பட்டுள்ளது.

கடந்த 2 மாதங்களாக பள்ளி கல்லூரிகளுக்கு விடுமுறை என்பதால் இது பெரிய பாதிப்பை ஏற்படுத்தவில்லை.