சாக்கடை கலக்கும் பிரச்னைக்கு விரைவில் நிலையான தீர்வு

கன்னியாகுமரி நகராட்சிக்கு உட்பட்ட ரெட்சகர் தெரு அருகே கடற்கரை பகுதியில் கழிவுநீர் ஓடைகள் நேரடியாக கடலில் கலப்பதால், சுற்றுச்சூழல் மாசடைவதுடன், அந்த பகுதியில் வாழும் மீனவ மக்கள் கடுமையான பாதிப்புக்கு உள்ளாகிவருகின்றனர். இந்நிலையில், சர்வதேச சுற்றுலாத்தலமான இந்த கடற்கரை சுத்தமின்றி சாக்கடை நீர் கலப்பதால், சுற்றுலா பயணிகளிடமும் ஆழமான அதிருப்தியை ஏற்படுத்தி வருகிறது.

- 

இதனைக் கண்டித்து, கடந்த சில நாட்களாக மீனவர்கள் மற்றும் அப்பகுதி பொதுமக்கள் கண்டனத்தை வெளியிட்டு போராட்டம் நடத்தி வருகின்றனர். கடலில் சாக்கடை நீர் கலப்பதை உடனடியாக நிறுத்த வேண்டும், நிலையான சுத்திகரிப்பு அமைப்புகள் உருவாக்கப்பட வேண்டும் என்று அவர்கள் வலியுறுத்தி வருகின்றனர்.