DIE PRYS (BY PEP) IS KLAAR BETAAL

Anonieme weldoener maak harte bly toe hy alle uitstaande lay-by's settle

- FRANSCISKA SWARTS

BAIE mense glo seker lankal nie meer aan wonderwerke nie. Die lewe is hard, geld is min en skuld bly skuld. Maar toe fluister die Kersfees iets anders: "Die prys is klaar betaal.

Nie uit die Bybel nie maar uit die hande van 'n mysterious weldoener wat 260 mense se skuld weggevee het.

Vir gelukkige klante van 'n Pep-winkel op Aberdeen in die Oos-Kaap was dit soos iets vanuit 'n droom toe iemand, wat niemand ken nie behalwe Rapport, hulle lay-bys op 8 Desember vir Kersfees klaar betaal het.

Neil Blaauw (49), die areabestuurder van Pep Aberdeen, het aan Son gesê dat die oproep van een van sy kollegas hom heeltemal onkant gevang het.

"Ek is gekontak deur my streekbestuurder, en sy het my gevra by watter winkel dink ek kan ons 'n verskil maak.

"Sonder enige onsekerheid het ek Aberdeen gekies, en dít omdat ek daagliks sien hoe baie gesinne sukkel om kop bo water te hou," het Blaauw gesê.