SEUN (14) VERDRINK GLO IN HAWSTON

'N UITSTAPPIE na die Hawston beach het in 'n tragedie ontaard toe 'n 14-jarige seun vermoedelik verdrink het.

- ■KHIRSTEN BOOYS

SIYANDA PLAATJIES (14) FOTO VERSKAF

(FOTO VERSKAF)

Siyanda Plaatjies van Grabouw het die huis Sondag omstreeks 08:00 verlaat om saam met sy vriend en dié se familie op die strand te kuier.

Maar om 12:19 die middag het alles in 'n nagmerrie verander toe Lionel Plaatjies (32), Siyanda se pleegbroer, die nuus ontvang het.

“Ná 12:00 het hulle my gebel en gesê Siyanda is in die water en hulle kry hom nie,” vertel 'n gebroke Lionel. “Sy klere en sy selfoon lê nog daar en al wat vermis is, is hy.”

Plaatjies vertel Siyanda se kort lewe was reeds deurspek met verlies. Albei sy ouers het reeds gesterf en sy pleegouers wat hom aangeneem het, het ook al afgesterf. Sy grootmaak-ma het in 2021, 'n jaar ná haar man, gesterf.