'BRUINMENSE EN KHOI KORT STEM'

DIE Patriotic Alliance het die afgelope maand die Demokratiese Alliansie in George met 'n plat hand katswink geslaan toe twee prominente raadslede van dié dorp vanaf die DA oorgestap het na "groener weivelde" van die Patriots.

- 

GROND TOE: Stamhoof Brendon Torob Adams neem sy eerste selfie as PA-lid saam met die leier van die PA, Gayton Mckenzie.

Brendon Adams, beter bekend as stamhoof Brendon Torob Adams, en Marchell Kleynhans het al twee hulle pos as mayco members van die George-stadsraad prysgegee en sê hulle staan nou bankvas agter die PA.

Adams, gewese wyksraadslid vir wyk 17 en die mayco-lid vir Gemeenskapsveiligheid en Mobiliteit, sê die PA is nou sy politieke huis.

"Die PA en Gayton McKenzie het my goed ontvang, hoewel ek hulle voorheen hel op Facebook gegee het."

McKenzie, leier van dié party, het Adams se aankoms Sondag in 'n Facebook live bekend gemaak.

Enkele ure voor die aankondiging het Adams in 'n post nog na die PA as 'n cult verwys.

Adams, wat die afgelope vyf jaar by die DA was, sê hy wil nie die DA slegpraat nie, maar meen dat dié party se reëls en regulasies die party se grootste vyand is.