PALIE VAT MEISIES SE VREUDGE WEG

OUERS van matrikulante van die Hoërskool McLachlan in Joubertina in die Oos-Kaap, is diep die hel in ná twee van hul kinders ontneem is van een van die grootste geleenthede in hul lewe - hul matriekafskeid.

- CHRISLYNN SIAS-LOUW

UITGEVAT: Anno-Whick Leeuw en Leonie Roslin Human. is nie toegelaat om hulle matriekafskeid by te woon nie.

En dit omdat dié twee leerders glo drie dae uit die skool gebly het om die finale reëlings te tref vir hul matriekafskeid.

Kayleen Krige, een van die ouers, het meer as R30 000 betaal om haar kind se dag een van die beste nog te maak, maar dit was alles verniet, want haar kind kon nie eers haar matriekafskeid bywoon nie.

Volgens Krige moes haar kind die Vrydag vir die laaste fitting gaan vir haar rok en sy het die Maandag en Dinsdag nog afsprake gehad. Woensdag 1 Oktober het die prinsipaal van Hoërskool McLachlan glo 'n boodskap gestuur, wat sê drie van die kinders gaan nie die matriekafskeid kan bywoon nie, omdat hulle afwesig was.

Die boodskap sê dan voorts die leerders kan die prinsipaal kom sien by die skool en verduidelik hoekom hulle by die matriekafskeid toegelaat moet word.

Krige en haar dogter Anno-Whick is inderhaas skool toe om am-mends te gaan maak, sodat sy kon bywoon omdat alles reeds betaal is en Anno-Whick al jare gedroom het van die dag. Hul moei-te was tevergeefs.