HAAR GESONDE KIND SE DOOD PLA MA

'N MA van Ravensmead worstel om die raaiselagtige dood van haar seun te aanvaar.

- CARRINGTON SWARTS

RAAISELAGTIGE DOOD: Edward Swartland (37) is in die aanhoudingselle oorlede. FOTO VERSKAF

(FOTO VERSKAF)

Edward Swartland (37) is Saterdagoggend in die Ravensmead-polisie se aanhoudingselle dood gevind, nadat hy ure vantevore toegesluit is.

Sy ma, Marie, vertel dat sy die nuus eers Sondagoggend ná kerk gekry het.

Volgens haar is Edward Saterdagoggend glo in die vroeë oggendure vir hof-minagting toegekap.

Die Ravensmead-polisie het glo toegeslaan toe hy en 'n paar vriende lekker om 'n ghellie-blik ge-chill het.

"Die speurders het 'n brief gelos by mense in die straat met hulle nommers op."

Nog voordat sy kon bel, het 'n speurder weer by die huis opgedaag.

"Die speurder wou weet of Edward aan enige siekte ly."

Volgens haar was haar kind perdfris en gesond en het hy geen onderliggende siektes gehad nie.

"Nou, hoe kan hulle my kind gesond optel en 'n paar uur later is hy dood?" wou die ontstelde ma weet.