BRANDON LEEF SY DROOM UIT

Die Here en liefde lê in sy musiek

- 

DIS vir Brandon Britz (32) van Namakwaland belangrik dat mense liefde en veral die Here in sy musiek ervaar.

Brandon het amper opgegee op sy musiekloopbaan en sy kitaar het jare lank stof vergaar, maar nou maak die klong van Namaks waves! Dis nóú sy tyd.

Vra jy hom om sy genre te beskryf, verklap hy eerlik dat hy nie eintlik weet hoe nie.

“Wat ek wel weet, is dat ek met my musiek 'n positiewe boodskap daar buite wil sit. Ek skryf uit 'n plek van liefde en die Here.

“Ek wil hê selfs wanneer jy my musiek in 'n nagklub hoor, moet dit jou laat dink terwyl jy jou tyd daar geniet. Dit maak nie saak waar jy jou bevind nie,” verduidelik hy.

Van kleins af was Brandon baie artistic, van verf tot die speel van instrumente.