VEGTER VERLOOR HAAR STRYD

DIE dapper agjarige meisie van Elsiesrivier wat drie jaar lank 'n seldsame siekte bestry het, het nou haar engelvlerkies gekry.

- KHIRSTEN BOOYS

Kiah Hansen, wat oorspronklik van Bonnievale is, is op 23 Julie dood as gevolg van Langerhans-selhistiostose, 'n seldsame afwyking wat hoofsaaklik kinders affekteer. Hierdie siekte word nie definitief as kanker geklassifiseer nie, maar dit kan soos kanker optree en word dikwels deur kankerspesialiste behandel.

Kinders wat die siekte het, ontwikkel 'n abnormale toename in witbloedselle. 'n Oormaat van die selle kan lei tot die vorming van letsels, wasse en ander weefselskade.

Kiah was maar twee jaar oud toe sy begin siek word het, vertel haar ma, Janine Bostander.

"Sy het 'n borsie gehad en haar hart het te vinnig geklop. Sy het ook baie kort van asem geword. Ons het haar toe na die Worcester-kliniek gevat en daar het X-strale gewys haar long het platgeval. 'n CT-scan het gewys sy het 'n sist agter haar longe."

Die dokters het Kiah toe vir asma behandel en selfs aanbeveel dat die familie hulle eie nebuliser koop.

Chemoterapieë