STILBLY NIE OP HUL AGENDAS

STIL, jy! Dit is die boodskap wat die ma van die Deveney Nel-moordverdagte aan twee aktiviste uitstuur nadat sy interdik te en hulle gekry het.

- 

Tanya Bippert en Lucinda Evans, twee aktiviste wat hulle daarvoor beywer om geweld teen vroue en kinders te beveg, verskyn Vrydag in die Grabouw-landdroshof om dié gag orders teen te staan. Die ma voer aan dat dié twee haar en haar gesin se lewe in gevaar stel met hulle plasings en uitlatings.

Deveney Nel se lewelose liggaam is op Woensdag 14 Augustus 2024 agter geslote deure van die Hoërskool Overberg se stoorkamer gevind. Sy is doodgesteek.

Die beskuldigde is twee dae nadat die polisie die liggaam gevind het, die aand van 16 Augustus in hegtenis geneem. Nie die beskuldigde of sy ma se naam mag nie genoem word nie omdat hy ten tyde van die voorval minderjarig was en sy ma se identiteit hom kan identifiseer.

Verhoor

Die gag order kom nadat die twee aktiviste herhaaldelik buite die hof betoog het teen borgtog en versoek het dat die beskuldigde as 'n volwassene verhoor word. Hy was 17 ten tyde van die voorval en het in April vanjaar 18 geword.