VANDAG IS D-DAY IN BAAI

DIE saak oor die ontvoering en mensehandel van Joshlin Smith sal na verwagting vandag tot 'n einde kom wanneer die kind se ma en twee ander ontvoerders in Saldanhabaai gevonnis word.

- SHANTEL MOSES

Die boek oor Joshlin kan egter nie toegemaak word nie, omdat die groenoogmeisiekind steeds missing is.

Kelly Smith, haar eks-boyfriend Jacquen Appollis en hulle tik-buddy Steveno van Rhyn is skuldig bevind op albei klagte.

Die hof het bevind dat die staat sy saak bo redelike twyfel bewys het en dat die kind wel verkoop is.

Joshlin (Kelly se tweede oudste) was ses jaar oud toe sy vermis geraak het.

Die hof het die afgelope week getuienis aangehoor van 'n kenner in ontvoering en mensehandel, dr. Marcell van der Watt, en twee maatskaplike werkers, Errol Pietersen en Deoney Bolt.

Bolt is 'n voorbereidingsbeampte vir howe aan die Weskus.

Bolt het vyf mense se victim impact statements in die hof uitgelees. Die vyf is Kelly se ma, Amanda Daniels, Joshlin se grootmaak-ma, Natasha Andrews, en haar 14-jarige dogter, Tayla Andrews, Joshlin se klasonderwyser, Edna Maart, en een van die dames wat van dag 1 af betrokke was by die soektog na Joshlin, Cecile Olivier.