Urddo Tony ar ôl 40 mlynedd o weithio i sicrhau'r Eisteddfod

S nad ydych yn adnabod Tony Thomas fe fyddwch wedi gweld hoel ei lafur ar Faes yr Eisteddfod Genedlaethol.

- 

Ac nid yw'n or-ddweud heb ymdrechion Tony ni fyddai'r Eisteddfod yn cymeryd lle o flwyddyn i flwyddyn.

Tony yw'r Swyddog Technegol sy'n arwain 'Hogie'r Maes,' y tim bychain sy'n creu'r Maes. Bydd ar safle'r Eisteddfod o ddechrau Mehefin yn goruchwylio'r gwaith o osod a chlirio'r Maes ac yn gyfrifol am stordy'r Eisteddfod yn Llanybydder, Sir Gaerfyrddin.

Yn y stordy creodd Tony y llythrennau mawr coch sy'n sy'n croesawu pobl i'r Maes. A Tony yw'r unig berson sydd wedi creu Cadair a Choron yr Eisteddfod - a hynny yn yr un flwyddyn.

Ac eleni fe gafodd ei urddo i Orsedd Cymru, i'w adnabod fel Tony Bach o Lanybydder.

"Ro'n i'n chuffed to bits pan gefais y llythyr," meddai, "cymaint o weithiau dwi wedi sefyll ar y Maen Llog 'na heb feddwl erioed buaswn yn dod yn aelod o'r Orsedd."

Mae Tony'n gweithio i'r Eisteddfod ers deugain mlynedd ac wedi gweld pethau wedi newid yn ystod y cyfnod hwn.

Dywedodd: "Dechreuais fel bachan 'fetch and carry' yn Eisteddfod Llanbed 1984 a dim ond am yr haf. Roedd fy nhad, Meidrim, yn gweithio i'r Eisteddfod ers ddegawd erbyn hynny. Es ddim yn ol y flwyddyn wedyn gan fy mod ar gwrs weldio ond wi wedi bod ym mhob Eisteddfod ers hynny.