Preswylwyr cartref gofal yn mwynhau bwydydd Tandoori

AE gweithiwr cartref gofal ymroddedig a ddosbarthodd y bwyd Indiaidd gorau yng Nghymru i breswylwyr hapus wedi cael ei ganmol fel arwr gan Aelod o'r Senedd.

- 

Ysgrifennodd AS Arfon, Sian Gwenllian, yn bersonol at Fahim Bin Ferdous i ddiolch iddo am ddarparu’r danteithion tandŵri blasus i breswylwyr cartref gofal Bryn Seiont Newydd ym Mharc Pendine yng Nghaernarfon.

Cafodd y bwyd gwych ei weini gan Fahim i'r preswylwyr yn boeth o'r gegin ym Mwyty Tandoori Caernarfon yn y dref.

Yn ogystal â gweithio fel gofalwr yn y cartref, mae Fahim hefyd yn rheolwr y bwyty - sydd wedi cael ei enwi'r gorau yng Nghymru am yr ail flwyddyn yn olynol.

I ddathlu'r anrhydedd, trefnodd Fahim bod gwledd o fwyd Indiaidd yn cael ei baratoi fel y gallai preswylwyr a staff Bryn Seiont Newydd fwynhau blasau gorau'r bwyty eu hunain.

Ysgogodd caredigrwydd Fahim lythyr o ganmoliaeth gan Sian Gwenllian lle dywedodd: "Rwy'n ysgrifennu i ddiolch yn ddiffuant i chi am eich gweithred hael wrth ddarparu gwledd i breswylwyr Bryn Seiont Newydd.

"Roedd yn weithred deimladwy o garedigrwydd a ddaeth â llawenydd i lawer, rwy'n siŵr.

"Roedd hefyd yn ffordd wych o ddathlu'r gydnabyddiaeth haeddiannol a gawsoch fel y bwyty Indiaidd gorau yng Nghymru yn gynharach eleni, yn ogystal ag arddangos rhagoriaeth cynnyrch lleol.