Cerddoriaeth yn rhoi profiad ysbrydoledig i ddrymiwr awtistig

AE bywyd bachgen yn ei arddegau ag awtistiaeth sydd wedi cael angerdd am ddrymio ar ôl dechrau gwersi ychydig fisoedd yn ôl wedi cael ei drawsnewid gan gerddoriaeth.

- 

Mae Max Thompson, 14 oed, o Ruthun, yn un o dri drymiwr ifanc syfrdanol sydd wedi ennill triawd o wobrau gan Gerdd Cydweithredol Sir Ddinbych.

Derbyniodd Max Wobr Cydnabyddiaeth Arbennig y sefydliad ar ôl perfformiad unigol rhyfeddol yng nghyngerdd 10fed pen-blwydd Cerdd Cydweithredol yn Eglwys Gadeiriol Llanelwy.

Dywedodd ei fam balch, Kelly Thompson, fod y teulu cyfan wedi gwirioni ar ei ddehongliad deinamig o gân boblogaidd Mark Ronson, Uptown Funk. Perfformiad a gododd y to yn y cyngerdd dathlu.

Yn ystod y noson enillodd Max, ynghyd â Lloyd Powell, 14 oed, a Tommy Pigott, 9 oed, brif dlysau Cerdd Cydweithredol Sir Ddinbych am eu llwyddiannau cerddorol rhagorol dros y flwyddyn ddiwethaf.

Noddwyd y gwobrau gan sefydliad gofal Parc Pendine drwy Ymddiriedolaeth Celfyddydau a Chymuned Pendine (PACT), a oedd hefyd yn brif noddwyr y cyngerdd.

Cyflwynwyd cwpan arian disglair i bob un o'r enillwyr gyda'u henw wedi'i ysgrifennu arno, gwerth blwyddyn o gyllid ar gyfer gwersi cerddoriaeth gyda'r cwmni cerdd cydweithredol ynghyd â gwobr ariannol o £100.

Yn ôl Mario, roedd wrth ei fodd o weld tri cherddor ifanc mor ddawnus yn cael cydnabyddiaeth.

Dywedodd: “Nid ydych yn cyrraedd safon mor uchel heb dreulio oriau yn ymarfer ac mae’r tri dysgwr ifanc hyn yn amlwg wedi rhoi oriau lawer i fireinio eu crefft.