தேனிக்கு துணை முதல்-அமைச்சர் வந்தபோது உதயநிதி ஸ்டாலினிடம் மனு அளித்த 3 மாணவிகளுக்கு கல்வி உதவிதொகை

தேனி மாவட்ட ஆட்சியர் அலுவலக கூட்டரங்கில், பெரியகுளம் வட்டம் கீழவடகரை ஊராட்சி செல்லாங் காலனியை சேர்ந்த 3 மாணவிகள் துணை முதலமைச்சர் உதயநிதி ஸ்டாலினிடம் மனு அளித்ததன் அடிப்படையில், மாவட்ட ஆட்சித்தலைவர் விருப்புரிமை நிதியிலிருந்து, மாவட்ட ஆட்சித்தலைவர் ரஞ்ஜீத் சிங், கல்வி உதவி தொகைக்கான காசோலைகளை மாணவிகளுக்கு வழங்கினார்.

- 

தமிழ்நாடு துணை முதலமைச்சர் தேனி மாவட்டத்திற்கு கடந்த 16.6.2025 அன்று வருகை தந்தபோது, இப்பகுதி மக்களுக்கு வீட்டுமனைப்பட்டா, கலைஞரின் கனவு இல்லம் திட்டத்தின் கீழ் வீடு கட்டுவதற்கான பணி ஆணை மற்றும் பிற நலத்திட்ட உதவிகளையும் வழங்கினார்.