மாநிலங்களவை தேர்தல்: தி.மு.க., அ.தி.மு.க. வேட்பாளர்கள் 6 பேரின் மனுக்கள் ஏற்பு

ராமதாஸ் உதவியாளர் உள்பட 6 மனுக்கள் தள்ளுபடி

- 

தமிழகத்தில் 6 மாநிலங்களவை எம்.பி. பதவியிடங்கள் ஏப்ரல் 2-ந்தேதி காலியாகின்றன. இந்த பதவியிடங்களை நிரப்புவதற்கான தேர்தல் அறிவிக்கப்பட்ட நிலையில், வேட்பு மனு தாக்கல் பிப்ரவரி 26-ந்தேதி தொடங்கியது.

தி.மு.க. சார்பில் திருச்சி சிவா எம்.பி., கான்ஸ்டான்டைன் ரவீந்திரன் மற்றும் கூட்டணி கட்சிகளான காங்கிரஸ் சார்பில் கிறிஸ்டோபர் திலக், தே.மு.தி.க. சார்பில் எல்.கே. சுதீஷ் ஆகியோர் வேட்பாளர்களாக அறிவிக்கப்பட்டனர்.

அ.தி.மு.க. சார்பில் தம்பிதுரை எம்.பி. போட்டியிடுவார் என அறிவிக்கப்பட்ட நிலையில் மற்றொரு இடம் கூட்டணி கட்சியான பா.ம.க.வுக்கு ஒதுக்கீடு செய்யப்பட்டது. வேட்புமனு தாக்கலுக்கு நேற்று கடைசி நாள் என்பதால் தி.மு.க. அ.தி.மு.க. கூட்டணி கட்சி வேட்பாளர்கள் நேற்று வேட்பு மனுக்களை தாக்கல் செய்தனர்.