குடியரசு தலைவர் மாளிகையில் ரஷிய அதிபர் புதினுக்கு சிவப்பு கம்பள வரவேற்பு

பிரதமர் மோடி முன்னிலையில் முக்கிய ஒப்பந்தங்கள் கையெழுத்தாயின

- 

டெல்லியில், குடியரசு தலைவர் மாளிகையில் ரஷிய அதிபர் புதினுக்கு சிவப்பு கம்பள வரவேற்பு அளிக்கப்பட்டது. நேற்று பிரதமர் மோடி முன்னிலையில் முக்கிய ஒப்பந்தங்கள் கையெழுத்தாயின.

டெல்லியில் நேற்று நடைபெற உள்ள 23வது இந்தியா-ரஷியா உச்சிமாநாட்டில் பங்கேற்க 2 நாள் பயணமாக நேற்று முன்தினம் மாலை ரஷிய அதிபர் புதின் இந்தியா வருகை தந்தார். டெல்லியில் வந்திறங்கிய அவரை பிரதமர் மோடி நேரில் சென்று கட்டியணைத்து வரவேற்றார்.

டெல்லி விமான நிலையத்தில் ஏற்பாடு செய்யப்பட்ட கலாச்சார நிகழ்ச்சியை இருவரும் சிறிது நேரம் பார்த்து, கலைஞர்களை வாழ்த்தினர். பின்னர், இருவரும் ஒரே காரில் விமான நிலையத்திலிருந்து கிளம்பினார். தொடர்ந்து, பிரதமர் மோடி தனது இல்லத்தில் ஏற்பாடு செய்யப்பட்டிருந்த சிறப்பு இரவு விருந்தில் புதின் கலந்துகொண்டார்.

இந்நிலையில், இந்த பயணத்தின் ஒரு பகுதியாக புதினுக்கு ராஷ்டிரபதி பவனில் சிவப்பு கம்பள வரவேற்பு அளிக்கப்பட்டது.