தண்டவாளம் புதுப்பிப்பு பணி: மதுரை-கோவை ரெயில் சேவையில் மாற்றம்

கோவை மாவட்டம் போத்தனூரில் தண்ட வாளத்தை புதுப்பிக்கும் பணி நடப்பதால் கோவை ரெயில் சேவையில் மாற்றம் செய்யப்பட்டு உள்ளது. இது தொடர்பாக சேலம் ரெயில்வே கோட்ட நிர்வாகம் வெளியிட்ட செய்திக்குறிப்பில் கூறியிருப்பதாவது :-

- 

கோவை போத்தனூர் ரெயில்வேயார்டில் தண்டவாள புதுப்பித்தல் பணி மேற்கொள்ளப்பட உள்ளது. அதை எளிதாக்க சில ரெயில் சேவைகளில் மாற்றங்கள் செய்யப்படுகிறது.

அதன்படி கண்ணூரில் இருந்து காலை 6 மணிக்கு புறப்படும் கண்ணூர்- கோவை ரெயில் (எண்:16607) வருகிற 8, 10 மற்றும் 12 ஆகிய தேதிகளில் பாலக்காடு ரெயில் நிலையத்தில் குறுகிய நேரம் நிறுத்தப்படும். இந்த ரெயில் கண்ணூரில் இருந்து பாலக்காடுக்கு மட்டுமே இயக்கப்படும். அந்த நாட்களில் பாலக்காடு சந்திப்பில் இருந்து கோவைக்கு இயக்கப்படாது.