10 ராணுவத்தினர் உள்பட ஏராளமானவர்கள் பலி?

மீட்பு பணியில் ராணுவம், பேரிடர் மீட்பு படையினர் தீவிரம்

- 

உத்தரகாண்ட் மாநிலத்தில் வரலாறு காணாத மேக வெடிப்பு ஏற்பட்டது. இதனால் கிராமமே வெள்ளத்தில் மூழ்கியது. இதில் 10 ராணுவத்தினர் உள்பட ஏராளமானவர்கள் பலியானதாக தெரியவருகிறது. மீட்பு பணியில் ராணுவம், பேரிடர் மீட்பு படையினர் தீவிரமாக ஈடுபட்டுள்ளனர்.

உத்தரகாண்ட் மாநிலம் உத்தரகாசி மாவட்டத்தில் ஹர்சிலுக்கு அருகிலுள்ள தாராலி பகுதியில் நேற்று திடீரென மேகவெடிப்பு சம்பவம் நிகழ்ந்துள்ளது.

இந்த மேகவெடிப்பினை தொடர்ந்து அங்கு கீர் கங்கா ஆற்றில் திடீர் வெள்ளப்பெருக்கு ஏற்பட்டது. இந்த திடீர் வெள்ளப்பெருக்கில் அங்குள்ள கட்டிடங்கள் அடித்துச் செல்லப்பட்டன. மேலும் அந்த பகுதியில் வசிக்கும் பொதுமக்கள் பலர் வெள்ளத்தில் அடித்துச் செல்லப்பட்டதாகவும், மண்ணில் பலர் புதையுண்டதாகவும் அஞ்சப்படுகிறது.

உத்தரகாண்ட் மாநிலம் முழுவதும் பல இடங்களில் மிக கனமழை பெய்யும் என்று ஏற்கனவே இந்திய வானிலை ஆய்வு மையம் எச்சரிக்கை விடுத்திருந்தது. தற்போது பெய்து வரும் இந்த பருவமழையால் உத்தரகாண்டில் ஆறுகளில் வெள்ளம் பெருக்கெடுத்து ஓடுகிறது. பலத்த நீரோட்டங்கள் பாய்கின்றன.