தமிழ்நாட்டில் 136 சைபர் குற்றவாளிகள் அதிரடி கைது

தமிழ்நாடு இணையவழி குற்றப் பிரிவின் கூடுதல் டி.ஜி.பி. சந்தீப் மிட்டல் வெளியிட்டுள்ள செய்திக்குறிப்பில் கூறியிருப்பதாவது:

- 

தமிழ்நாடு இணைய வழி குற்றப்பிரிவு மாநிலம் முழுவதும் நடத்திய அதிரடி கைது நடவடிக்கை "ஆபரேஷன் திரைநீக்கு-2" முடிவுக்கு வந்தது. தமிழ்நாட்டில் சைபர் குற்றங்களுக்கு எதிரான ஒரு துரிதமான நடவடிக்கையில் தமிழ்நாட்டின் இணைய வழி குற்றப்பிரிவு 2024 டிசம்பர் 6, 7 மற்றும் 8 நாட்களில் "ஆபரேஷன் திரைநீக்கு-1"ஐ நடத்தி, மாநிலம் முழுவதும் 76 சைபர் குற்றவாளிகளை வெற்றிகரமாக கைது செய்தது. இந்த சிறப்பு கைது நடவடிக்கை வெற்றிகரமாக நிறைவடைந்ததைத் தொடர்ந்து, இரண்டாவது கட்டமாக "ஆபரேஷன் திரைநீக்கு- II" 2025 ஜூன் 2-ம்தேதி தொடங்கி 2025 ஜூன் 3-ம்தேதி முடிவடைந்தது. இணைய வழி குற்றப் பிரிவின் கூடுதல் டி.ஜி.பி. சந்தீப் மிட்டல் வழிகாட்டுதலின் கீழ் தமிழகத்தின் அனைத்து மாவட்டங்களிலும் நகரங்களிலும் திட்டமிட்டு, ஒருங்கிணைத்து இணைய வழி குற்றப்பிரிவின் நேரடி கண்காணிப்புடன் நடத்தப்பட்டது.