NABITIK SA KABLE, USA PATAY

Usa ang patay samtang usa sab ang naangol human nangasangit sa nagbitay nga telecommunication wires ang duha ka mga motorsiklo diha sa National Highway, Barangay San Jose, Lungsod sa Catmon niadtong Huwebes sa gabii, Enero 22, 2026.

- 

Ang namatay sa disgrasya mao si Hendry Tribunalo, 25, taga Barangay Taytayan, Bogo City nga nagmaneho og itom nga Yamaha Mio XI.

Samtang ang naangol mao si Keithreil Collantes, 22, nagpuyo sa Barangay Anapog, Lungsod sa Catmon nga nagmaneho sa Euro 150 nga motor.

Ang duha matud pa parehong nabitik sa kable sa telecommunications company nga nakakonektar sa duha ka poste sa CEBECO II.