DILI MAPASPASAN KAY PELIGRO

Bisan nag-apas sa oras aron masalbar ang kinabuhi nahibiling sobra 30 pa ka mga empleyado sa Prime Integrated Waste Solutions (PIWSI) sa Barangay Binaliw nga natabunan sa mga basurang nidahili niadtong Huwebes sa hapon, kinahanglan kining ipaagi sa inanay nga operasyon tungod kay peligro pa gihapon nga mausban og kahugno ang nagbundo nga basura.

- 

Kagahapong adlawa, gatosan ka mga rescuers ang nagtinabangay sa pagpadayun sa search, rescue and retrieval operation. Basi sa uwahing balidasyon, duna nay tulo ka kompirmadong patay, 12 ang angol ug naa sa tambalanan samtang 35 pa ka trabahante ang gipangita.

Basi kini sa talaan nga gi-validate sa PIWSI sumala pa ni City Councilor Dave Tumulak, tsirman sa Cebu City Disaster Risk Reduction and Management Council kagahapon.

Ang ikatulo nga nakalas nga naugkat sa mga sakop sa ERUF, BFP Mandaue City DRRMO ug Danao City DRRMO mao ang usa ka 30-anyos nga babayeng trabahante; ang ikaduhang naugkat mao ang 25-anyos nga engineer.