Wala nay giila ang kriminal karong panahona

Usa ka 6-anyos nga batang babaye ang giilogan sa iyang giduwaang cellphone samtang naglingkod kini sa sulod sa barbershop nga kabahin ra sa balay nga ilang gipuy-an diin nakuhaan ang panghitabo sa CCTV nga gimontar sa sulod sa barberohan.

- 

Samtang nalingaw ang bata sa pagduwa sa cellphone niduol ang usa ka hamtong nga lalaki ug nagpasumangil og tan-aw sa tindahan sa kilid ug dihang nakakita siya sa bata nga naghawid sa cellphone iya kining giduol, gikuha dayon apan wala siya molampos sa sinugdanan. Apan sa ikaduha na dali na niyang nalabni ug dayon sibat, samtang ang bata hilabihang hadloka ug mitiyabaw sa paghilak.

Dinhi na nakabantay ang maguwang sa bata nga naglingkod sa lingkoranan sa barberohan nga nagtalikod niadtong higayona kay dunay gihimo nga nabikitma na sa pagpanglabhi ang iyang manghud ug diha pa nagkagubot na ang mga tawo sa pagpangita sa suspek apan wala na nila makita pa. Wala usab sila makamay-ong maong nagtuo sila nga dili taga didto sa ilang dapit sa dalan Tupaz, Barangay Pasil sa dakbayan sa Sugbo.