Dugang duha ka police stations gitukod sa Cebu City Police Office

Aron pagpalambo sa kahapsay ug kalinaw sa tibuok Cebu City dugang police stations ang gitukod sa Cebu City Police Office sa mga bukirang barangays.

- 

Kagahapong adlawa, gisubhan sa CCPO ang duha ka mga bag-ong police stations nga mao ang Police Station 12 nga naa nahimutang sa Malubog ug Police Station 13 nga naa sa Adlaon.

Si CCPO acting City Director Police Colonel Enrico Figueroa ang nangulo sa kalihukan nga gitambungan ni National Police Commission (NAPOLCOM)-7 Regional Director Atty. Maximo Lasaca I, Cebu City South District Councilor Paul Labra II, mga kadagkuan sa Police Regional Office(PRO)-7, station commanders ug mga stakeholders.

Ang mga barangays nga ubos sa hurisdiksiyon sa Police Station 12 mao ang Babag, Bonbon, Buot-Taup, Malubog, Pung-ol Sibugay, Sinsin, Sirao, Sudlon 1 ug Sudlon 2.