Ouano mosuporta sa gitukod nga Government Center

Gipaniguro karon ni Mandaue City mayor Thadeo Jovito "Jonkie" Ouano ang pagsuporta sa iyang administrasyon alang sa hingpit nga paghuman sa gitukod nga Mandaue Government Center nga nagkantidad og P3 bilyones nga loan sa bangko.

- 

Gipadayag ni Ouano ang iyang pagsuporta sa paghuman sa gitukod nga proyekto nga nahimutang sa 4.3 ka ektaryang luna nga nahimutangan sa kanhi Cebu International Convention Center (CICC) human usab sa gihimo niyang pakisusi sa mga buhatan sa kagamhanan sa maong dakbayan diin iyang nakita ang kahuot na gayod sa kahimtang niini.