Kalayaan Job Fair gipahigayon atol sa Independence Day

Dungan sa kasaulogan sa ika-127 nga Philippine Independence Day, gipahigayon usab ang Kalayaan Job Fair nga gidagsaan sa mga nangita og trabaho diha sa SM Seaside kagahapon.

- 

Ang kalihukan gipasiugdahan sa Cebu City government pinaagi sa Department of Manpower and Placement sa pakig-alayon usab sa Department of Labor and Employment - Central Visayas, Cebu City Tourism Commission, ug SM Seaside.

Sumala sa DOLE-7, kini nga lakang usa ka pamaagi sa pagselebrar sa Philippine Independence ug ang kagawasan gikan sa kakabus pinaagi sa disente ug lig-ong trabaho.