2,20,443 ఎకరాల్లో నష్టం

వరి - 1.09 లక్షల ఎకరాలు పత్తి - 60,000 ఎకరాలు వేరుశనగ - 20, 900 ఎకరాలు మెక్కజొన్న 16,000 ఎకరాలు

- 

జిల్లాల వారీగా అంచనా ప్రకారం, అత్యధికంగా వరి పంట ముంపునకు గురైంది

• తీవ్ర సంక్షోభంలోకి తెలంగాణ రైతాంగం

• 28 జిల్లాల్లో నీటమునిగిన పంటలు

• కామారెడ్డిలో 77వేల ఎకరాల్లో నష్టం

• వ్యవసాయశాఖ ప్రాథమిక అంచనా

• మూడురోజులుగా కురుస్తున్న వర్షాలు

• రైతన్నలకు భారంగా మారుతున్న అప్పులు

ఇంకో మూడునెలలు ఆగితే వేసిన పంట చేతికొచ్చి సిరులతో రైతు ముఖంలో వెలిగే చిరునవ్వును ప్రకృతి మింగేసేంది. వర్ణ దేవ కరుణించవా అనీ వేడుకున్న గోడు వినని దేవుడు ఘోష మిగల్చాడు. రెక్కాడితే గానీ డొక్కాడని కుటుంబాలపై ప్రకృతి తాండవం చేసింది. ఆ తాండవంలో అన్నీ కోల్పోయిన రైతులు, ప్రజలు ఆపన్న హస్తం కోసం ఎదురుచూస్తున్నారు.రాష్ట్రవ్యాప్తంగా వేల ఎకరాల్లో పండిన పంటలు నీటమునిగిపోగా, విత్తనాలు పాడైపోయాయి. పత్తి, వరి, మక్కజొన్న, సోయాబీన్ పంటలకు ఎక్కువ నష్టం జరిగింది..