ఖానామెట్ కథ ఏంటి..!?

• ఖానామెట్ అసైన్డ్ భూముల్లో అక్రమ నిర్మాణాలు • పీఓటీ చట్టాలను అమలు చేయని అధికారులు

- 

• సర్వే నెం. 41లో 13 మందికి అసైన్డ్ భూములు కేటాయింపు

• అసైనీల నుండి గతంలోనే రెస్యూమ్ చేసుకున్నామంటున్న ప్రభుత్వాధికారులు

• గతేడాదిలోనూ కోట్లు విలువ చేసే నిరుపేదల అసైన్డ్ భూములు స్వాహా

• అక్రమాలు జరుగుతున్నా.. చోద్యం చూస్తున్న ప్రభుత్వ అధికారులు

• ప్రభుత్వం స్వాధీనం చేసుకున్నా పైలు పదిలమేనా

• రికార్డులు కార్యాలయంలో ఉన్నాయా.. నిజంగానే రెస్యూమ్ చేశారా, లేదా..?

• కబ్జాదారులకు నోటీసులు ఇచ్చి చేతులు దులుపుకుంటున్న రెవెన్యూ శాఖ

• తెరవ వెనుక గత బీఆర్ఎస్ ప్రభుత్వ పెద్దల హస్తం

• ఆర్టీఐ ద్వారా సమాచారం అడిగితే శేరిలింగంపల్లి ఎమ్మార్వో పొంతన లేని సమాధానాలు

హైదరాబాద్ నవంబర్ 04 (ఆదాబ్ హైదరాబాద్): 'అయ్యవారు ఏం చేస్తున్నారంటే చేసిన తప్పులు దిద్దుకుంటున్నారు' అన్నట్టు ప్రభుత్వ అధికారులు అక్రమార్కులను కాపాడే ప్రయత్నం చేస్తున్నారు.ఎక్కడైనా సర్కారు భూమిలో ఓ నిరుపేద గుడిసె వేసు కుంటే అధికార యంత్రాంగం రాత్రికి రాత్రి బుల్డోజర్ల తో వాటన్నింటిని నేలమట్టం చేస్తుంది.నిబంధనల ప్రకారం నోటీసులు ఇవ్వమంటే...ప్రభుత్వ భూమిని ఆక్రమిస్తే నోటీసులు ఏంది..? అంటూ కనీసం గుడిసెలోని సామాను కూడా తీసుకునే సమయం ఇవ్వరు అధికారులు. కానీ రంగారెడ్డి జిల్లా శేరిలిం గంపల్లి మండలం,ఖానామెట్ గ్రామ పరిధిలోని వేలకోట్ల రూపా యల విలువైన ప్రభుత్వ భూములను కొందరు చెరపడుతున్నారు. కమర్షియల్ ప్రాంతమైన ఖానామెట్ లో బహిరంగంగానే అక్రమ నిర్మాణాలు జరుగుతున్నాయి. అనేక వాణిజ్య సముదాయాలను నిర్మిస్తూ వ్యాపార నిర్వాహకులకు అద్దెలకు ఇచ్చుకుంటూ నెలకు లక్షల్లో అద్దెను ఆర్జిస్తున్నారు. అసైన్డ్ భూముల్లో అక్రమ నిర్మాణాల పనులు దర్జాగా చేపడుతున్నా..? ప్రభుత్వ యంత్రాంగం మాత్రం పట్టనట్లు వ్యవహరిస్తుంది. స్థానికులు అసైన్డ్ భూములను కాపాడారా అని అధికారులను ప్రశ్నిస్తే.. నోటీసులు ఇచ్చాం కదా అని రెవిన్యూ శాఖ అధికారులు దబాయిస్తున్నారు.