66 టీనేజ్ లో హృదయ అంతరంగాన్ని విప్పితే

టీనేజ్ వయసు అంటే... తుఫానులా మారే భావాలు, అన్వేషించే మనసు, తెలియని భయాలు, అపారమైన కలలు.

- డా హిప్నో పద్మ కమలాకర్

టీనేజ్ వయసు అంటే... తుఫానులా మారే భావాలు, అన్వేషించే మనసు, తెలియని భయాలు, అపారమైన కలలు. ఇది బాల్యంలోనుండి పెద్దల ప్రపంచానికి వెళ్లే వంతెన. ఈ దశలో మెదడు, హృదయం, హార్మోన్లు మూడూ ఒకేసారి వేగంగా మారుతాయి.

దీన్ని ‘Storm and Stress Period%pu (తుఫాను లాంటి ఒత్తిడి కాలం) అని అంటారు. కానీ ఈ తుఫానులు మధ్య, మనసులోని భావాలను అర్థం చేసుకుంటే అదే నిజమైన Mind Unlocking.

టీనేజ్ వయసు మానసిక మార్పుల దశ

టీనేజ్ పిల్లలు కొన్నిసార్లు తక్షణ నిర్ణయాలు తీసుకుం టారు. వారికి అప్పుడు emotions > logic అవుతుంది.

ఉదాహరణకు: చిన్న తగాదా కూడా పెద్ద గా అనిపిస్తుంది. స్నేహితుడు రిప్లై ఇవ్వకపోతే, మనసు దిగులుగా మారుతుంది. సోషల్ మీడియాలో తక్కువ లైకులు వస్తే, self-worth తగ్గినట్లుగా భావిస్తారు. ఇవి చిన్నవిగా కనిపించినా, టీనేజ్ మెదడుకు ఇవే పెద్ద సంఘటనలు.

భావోద్వేగాల ప్రపంచం - Mind Unlocked టీనేజ్ అనేది “అనుభవాల వర్క్షాప్". ఈ దశలో మనం మొదటిసారి అనేక భావాలను గట్టిగా అనుభవి స్తాం.. ప్రేమ, కోపం, గర్వం, అసూయ, భయం, నిరాశ, ఆశ.

Self-doubt స్వీయ సందేహం : నిఖిల్, 16 ఏళ్ల విద్యార్థి, తన మార్కులు తగ్గినప్పుడు "నేను ఏదీ చేయలేను" అని అనుకుంటాడు.

→→ ఇది Negative Self-Talk, అంటే మనల్ని మనమే నిందించడం. "నేను ఫెయిల్ అయ్యాను” కాదు, “ఈసారి నేర్చుకున్నాను, మళ్లీ ప్రయత్నిస్తాను” అని ఆలోచించాలి.