సకల అభీష్ట ప్రదాయిని - వరలక్ష్మీ వ్రతము

తెలుగువారికి శ్రావణమాసమే నిత్య పూజలకు వ్రతాలకు వినూత్న శోభకు పుట్టినిల్లు.

- డా.. ఈడుపుగంటి పద్మజారాణి 91 93930 07560, 91 98492 50852

తెలుగువారికి శ్రావణమాసమే నిత్య పూజలకు వ్రతాలకు వినూత్న శోభకు పుట్టినిల్లు. ప్రతినిత్యం పండుగలే. ఆధ్యాత్మికత ఆనందానికి చిరునామా. శ్రావణమాసం శుక్లపక్షంలో పౌర్ణమికి ముందు వచ్చే రెండవ శుక్రవారాన్ని విశిష్టమైన వరలక్ష్మీ వ్రతంగా జరుపుకోవడం తెలుసుకదా. వరలక్ష్మీ దేవత విష్ణు మూర్తి భార్య. కోరిన వరాలు యిచ్చే దేవతగా వరలక్ష్మీ దేవిని కొలుస్తారు. ఈ పూజలు ఆంధ్ర ప్రదేశ్, కర్ణాటక రాష్ట్రాల్లో అధికంగా స్త్రీలు కొలుస్తారు. ఈ పండగను ముఖ్యంగా వివాహమైన మహిళలు నిర్వహిస్తారు. ఈ రోజున లక్ష్మీ దేవత కు పూజిస్తే అష్టలక్ష్మీ పూజలకు సమానం అనే నమ్మకంతో కుటుంబ సభ్యులు కూడా పాలుపంచుకుంటారు. ముఖ్యంగా మంచి భర్త, కుమారులు కలగాలని కూడా అమ్మాయిలు పూజిస్తారు. ఆ పూజ ఫలంతో అప్లైశ్వర్యాలు అయిన సంపద, భూమి, శిక్షణ, ప్రేమ, కీర్తి, శాంతి, సంతోషం, శక్తి వంటివి లభిస్తాయని ప్రగాఢ నమ్మకం, భక్తి విశ్వాసం.